هييييييييه
واهي سنه وخلصت اهيه
…………..يالا نسقف ونقول هيه
سنه خدت الشر وراحت
…………… وعدت كده بنت الايه
صحيح كانت مليانه
……………. ..بكتير من الهم يابيه
وروسيا بتحارب في اوكرانيا
………..….والعالي طايح ف واطيه
وكورونا بتفكر تيجي تاني
…………وانشالله راح نقضي عليه
وفي آخرها الحرب علي غزه
…………وحماس عملت سوكسيه
والبصل طار في العالي
……………..…….خبوه مع انه فيه
والقوطه بنت المجنونه
……………اسعارها ذادت علي ايه
واللحمه لساتها أماني
……………….لا بتلو ولا حتي بانيه
والست بطاله عندينا
…………..ارتفعت وانسالي الافيه
لكن انجزنا كتير فيها
………….طرق وانفاق قولوا هيييه
وسمك غاليون لو ناسي
……………وصوباتنا هنزرعها يابيه
وصنعنا من سنه تليفونا
………… سيكو سيكو اسمالله عليه
يارب بارك في سنتنا
……………ومايحوجنا أبداً غير ليه
وابعد عننا صندوقهم
………………. وخلي دولارهم بجنيه
وتسعد مصر واهاليها
……………….ونبينا هنصللي عليه
…………. محمود قطامش ………….
