منيش نازل
منيش نازل انا طالع
……………..وناخد بلدنا معانا لفوق
انا رايح كمان قدام
……………وعايز الناس تمللي تفوق
لا تسمع يوم لارهابي
……………يقول ان الوطن مسروق
ولا للي باع ضمير للغير
…………قبض تمنه وع القفا ملزوق
واحنا الارض ويا الناس
……………ولا يضحك عليك مخلوق
ماراح نسمح لحقد اعمي
……………. بان كذبه وعماه الشوق
عشان كرسي فقد عقله
………….وجاله جنان ومش موثوق
كلام انزل ماليه قيمه
………….ده زي الملح مالي السوق
وكرت الضغط بالاعلام
…………. ثبت فشله ودوم محروق
و خدنا دروس عارفينكم
………..طبيخ حامض والف خازوق
و راح تحلي بينّا ايامنا
………….و بكره العيشه والله تروق
مصر الحصن تاج ع الراس
………..وحضن امان فهمت ياذوق
……….. محمود قطامش ……….
