قالت عارف يااعز الناس
ياللي بتديني اجمل إحساس
لو ايدك لمست ايدي كنت لمتني ف الكبايه دي زي فتافيت الماس
اصل أنا احساسي بيك طول عمره مفيهوش اللمس
كنت أشوفك وانت معدي اقول هدي واغلط وعدي بس بالهمس
ساعه مابتمشي في شارعنا ريحتك سابقاك
وانا واقفه ع الشباك بستناك
اسمع صوت رنه مفاتيحك
اللي بحسدها عشان لمساك وماشيه معاك
اصل أنا قضيت سنين من عمري بحلم بيك
بتكلمني وانا ارد عليك وأقول شبيك
بعد الحب ماكان بعيد عايزوه بالأيد
دنا كنت أطير او حتي تجيلي عصافير
اسمع يابن الناس يلي بتديني اجمل إحساس
خليني بعيد ……….. وبلاها الايد
………….. محمود قطامش ……………..
