قول ماتخافشي
أقولك ع في قلبي ولا مقولشي …………اصل قلبي عليه بخاف ولامخافشي
اصل كلامك كله معاني ……………………… معني قولي والتاني مقولشي
حتي وشك ده بشكلين ………………….وانا محتار ابيعلك عمري ولامبعشي
وف عينيك بشوف الحيره ……………… عامل عارف اني بحبك ولاتعرفشي
مره سعيد طاير بلقانا ………………. ومره حزين وسعادتي بيك مبتكملشي
تقولي كتير عايز أشوفك …………….. ولما بشوفك قاعد ساكت ولا تنطقشي
هو ده طبعك ولا ملاوعه ……………………….ولا انا حظي رماك في وشي
عايز ايه قول ما تخبيشي ……………عايزني خدني او خليني ومترحمشي
اصل الحب ده رقصه تانجو ………….. لازم اتنين واحد وحده مبيرقصشي
واللي عامله طريقه واحد ………………..طريقه تروح بسلامه ولا ترجعشي
فوق احسن لك هيجي يوم …………. تقولي بحبك اقول بصراحه محبكشي
