![](https://qatameshyat.com/wp-content/uploads/2024/01/بدلات-أنيقة-سيدات-الأعمال-موضة-خريف-2021.webp)
قصائد عاطفية
فلانه
فلانه
بطلي يافلانه الفلانيه
……….. انا صاحي لحركاتك ديه
مقدرش الومك علي حبي
………….وانا قلبي سارقاه جنيه
بطلي الاعيبك مكشوفه
………وحركات بالرايحه والجايه
من كل حته طالعالي
……….دنا خايف امشي وحديه
غمز واشارات مش نافع
………وعل الصبح مليون اغنيه
مره بحبك مره بريدك
……….اشاراتك صورك مش هيه
عالفيس تلميح ولايكات
……..ورسايل علي الخاص سريه
لو انا بببعتها هتحاكم
……….وراح البس حتما بقضيه
الحب طبعآ مش عافيه
………..ده نصيب ومكتوب عليه
وانتي حليوه واموره
……….وملايين شايفيينك امنيه
وانا لابطنش ولا مغرور
…………انا سيبت لقلبي الحريه
وانا قلبي واقع في مصيبه
…………بيحب من الجنه حوريه
من الاخر قدر ومكتوب
……..ومش قدري فلانه الفلانيه
…… محمود قطامش ………