فانوس

فانوس
هاتلي ياحوده فانوس
………دي مناسبه ماتتقدر بفلوس
رمضان جاي لينا بنوره
…………..وبتقوي راح تملي نفوس
فاكر لما كنت خاطبني
…..كنت معلم وبتدي بالحب دروس
جاي دلوقتي وعامل ناسي
………وع الذكري ومشاعري اتدوس
هاتلي فانوس وولع شمعه
……..ده انا لسه حتي بيقولوا عروس
من تلاتين سنه و اتجوزنا
……..ومن عين الناس حبنا محروس
انا قلت رمضان نحييه بصلاتنا
………مش بالشمعه ولا حتي فانوس
رمضان اصلا صوم وعباده
………مش تقاليع وموضات وطقوس
ومن صام رمضان واحتسبه
……….فيه غفران وثوابه جنة فردوس
ومين كان والديه عايشين
……. يجري وبسرعه وع ايديهم يبوس
………… محمود قطامش …………..