فاكره …….اصل انا فاكر
وع النسيان والله ما قادر
كنا يومها صغار………
كأن كل واحد فينا اختار
كنتوا جنبنا ساكنين
نمشي انا وانتي طايرين
ماسكين ايدينا الاثنين
كنتي دايما تاخدي كراستي
وتشخبطي وتقولي دي فراشتي
ياه …. كنت احب أشوفك مش عارف ليه
ايوه ….كنا صغار ع الحب ابن الايه
وكنتي دايما لابسه باريه
لبس الكشافة اللي انا وانتي فيه
لكن وبدون اسباب
وانا زي العاده استناكي ع الباب
قالولي انك اليوم ده غياب
رحت المدرسه ورجعت
وياريتني ضعت ولا كنت سمعت
سافرتي …. ليه بتسافري
وخدتي معاكي كراستي
اللي شاهده علي حكايتي
وبطفوله شخبطي فيها وكتبتي
ورسمتي معاها في الذكري بدايتي
لكن عارفه …. انا عمري منساكي
واتمني اني في يوم القاكي
واخد كراستي اللي وياكي
واحاسبك ع سنين عمري
اللي ضاعت بستناكي
……….محمود قطامش …………
