فارس

فارس

فارس ايه يا فارس

ياجدو حاسس …………

وانا ماسك ايدك إحساسي ايه ………

خمسين سنه بيني وبينك لا لا خمسه وخمسين ….

وشويه ايام تانيين …………

انا ماسك ايدك دلوقت لكن …..

هتمسك ايدي بعدين ……..

لما العمر يعيد عليا …

ما انا عمري ورايا ………..

وعمرك قدامك عمرين …….

انا حاسس يا فارس ان عمري ابتدأ بيك ……..

او انه ابتدأ من تاني علشان أديك …….

من عندي شويه حنيه واداديك………

اصل انا فيك …….

وانت حفيدي اللي كل دنيايا ليك ……..

ياه يا فارس لو تعرف انا مستني ايه …….

مستني أشوفك شايل كتبك للدرس …..لا اكتر مستني أشوفك يوم فرحك بالعرس ……وارقص يوم فرحك ولا بلاش الرقص ….. خليها تسقيف ……

ياه يظهر اني سرحت بعيد …….. من مسكتي للايد ……….لاحلي حفيد

…………. محمود قطامش ……………….