عينيك كدابين
قالوا عينيك كدابين
…………. وفي الملاوعه فنانين
بنظره تشاغل الف
……………وتجنن كمان عاقلين
احتاروا فيك الناس
……………انت وهواك مع مين
حريف تبيع اشواق
………….حصري بدون دكاكين
لكن مصيرك تقع
…………. اوعاك من السكاكين
ولا ينفع ف يوم كدبك
…………….تشقي ليوم الدين
تحتار الاطبه فيك
…………….. عيان بكدب العين
ودواك يكون عندي
…………..تغمض عنيك سنتين
متشوفش فيها الناس
………..ولا تسحر كمان تانيين
اخبيك جوه قلبي
…………. واتجنن مع المجانين
……. محمود قطامش ……..
