عمي حزنبل عمي حزنبل ……… اوعي تقولي حكايه البلبل
اصل البلبل حلمه كبير …………… بادي معاه قبل التحرير
عايز حته ياخدها يطير ……………. وكل اللعبة في التدبير
…………………
عمي حزنبل اصله زمان ……….. راسم حلمه وبالالوان
حتي رسمه ماكنش يبان ……… صاحي نايم واد تعبان
……………………
عمي حزنبل اصله بوش ………………. ولا بيناور ولا بيغش
يكلها بدقه يكلها بمش ……………. وابعد عن حلمه متتكلمش
………………………
عمي حزنبل عينه ع السلطه …….. حلمه ياخدها حتي ف مالطه
واخدها واخدها لو باونطه …………… يكولها والعه لو بالشطه
………………………
عمي حزنبل اصله غتيت …………… يطول يقصر واد عفريت
يسخن يبرد مش كبريت ……………. ابن لذينه ميت تيت تيت
……………………….
عمي حزنبل .ابن لومان …………. اصله حالانجي مخه جنان
عمي حزنبل صاحب السلطان ……. واد لعيب بيجيب اجوان
عمي حزنبل من الاخوان ..،…………عمي حزنبل واد خَوٍان
………………… محمود قطامش ………………
