عبله العصريه
ياعبله انا مش عنتره الولهان …………..لا سيفي لمع ولا خدك عليه بان
انا زمن تاني مش ربع خالي …………….لا نوق حمرا مهرك ولا غربان
لو عايزاني انا عايزك ………………….شاوري دليني علي العنوان
مهرك عمري لو عايزه والشبكه…………….دبله وورده قاطفها م البستان
شقتنا ايجارها قديم ومهاود ………………..نفرشها نملاها شوق وحنان
مطرحين هاويه وع البحري …………….مش زي عبله خيمه مع العربان
تنامي تغطيكي رموش العين….. ………واسهرلك ارقيكي من الشيطان
ياعبله انا بالحب ميت عنتر ………….. عاشق وبيكي خمسميت ولهان
مش هبوس السيف لو تلمع ………..هبوس الارض لو ضيك عليها بان
……………….. محمود قطامش ………………..
#محمود_قطامش
من وحي البيت الشعير لعنتره
(( فوددت تقبيل السيوف لانها …. لمعت كبارق ثغرك المتبسم ))
