عايز حقي
عل الواحده كانت ماشيتها
………… وموسيقي كانت ضحكتها
والسحر بان مع لفتتها
……………. فرحت ادور علي بيتها
قالولي ساكنه في العالي
……………… اياك تقرب ناحيتها
ابوها صاحب سلطه وجاه
………….والكل يسعي في خدمتها
والام وارثه عزب واطيان
………….وعشره حارسين خطوتها
وان كنت عل الموت ناوي
……………. فكر وامشي في سكتها
لبست احلي قميص عندي
…………………وجزمه امي ورثتها
لقيت ف جيبي جوز جنيهات
………. …وبريزه في الدكه طويتها
قررت ابيع العمر وافوز
…………..لو مره واحده بنظرتها
واخطبها مانا حقي اعيش
………… واعمل فرح يوم دخلتها
خبطت فتحت ليا الباب
……………..يافرحت امي بخلفتها
صحيت علي صوت بيقول
………….…….لسه نايم يا خيبتها
قوم قدامك شغل كتير
…………….والكارو جاهزه حمولتها
من يومها قلت بلاه النوم
………….. من خوفي تكمل حكايتها
…………..محمود قطامش …………….
