في مره صحيت الصبح ….. ايوه صحيت الصبح ….مش زي البهوات باصحي بالليل
صحيت الصبح لقيت نفسي ….. علي غير عادتي …. اسأل نفسي شويه سؤالات
عايز اجوز واعمل عيله بس بكام
هي العيله عايزاش شقه بالجيزه او حلوان
حطيت ايدي جوه جيوبي أشوف احوالي محوش كام
لقيت ايدي طلعت فاضيه اصل الحاله كلها عاطله من ايام
من ساعه متخرجت وقررت اشوف شغلانه نص دوام
من يومها قاعد ع القهوه اشرب قهوه مع نفسي بسلام
عايز اجوز واعمل ليله واعمل عيله بس بكام
يظهر ان عشايا تقيل …. ولا ده كان كابوس بالليل ….
ولا الواحد لطشته نسمه من برد النيل
………. محمود قطامش ………..
