شوف النفسيه محتاجه ايه
وقوللي ؛——-
النفسيه(١)
محتاجه شيشه في وسط غيطان
وحوريه تتمايل تقولشي حصان
وتشرب ميه م القله بالهنا الوان
تنسي الكون تكون وحدك
وراديو يغنيلك من اغاني زمان
……………..
النفسيه(٢)
النفسيه محتاجه تلات زغاليل
برام ومدفونه وياعيني ياليل
وشوربتها معموله بميه نيل
تفكرنا وترجع ليالي زمان
تحي القلب وتشفي كل عليل
…… ………
النفسيه(٣)
النفسيه محتاجه حسابات ببنوك
دولارات ياما واملاك عليها صكوك
وطياره ومعامله تقولشي ملوك
ونشهيص ونتشقلط بعد زمان
بقينا فراخ في وسط ديوك
…….. ………..
النفسيه(٤)
النفسيه محتاجه نرش عطور
وغزاله تسقينا هنا وسرور
والفرح يصبحنا داير ميدور
يمكن دنيانا تتعدل
والحزن ساعتها يلم الدور
….. …….
النفسيه (٥)
النفسيه محتاجه شاي بكبايه
وضربه حظ وخرزه زرقا بدلايه
ع شط النيل سرير مفرود لقياله
نظبط بيها احلي مزاج
وكيس منفوخ بالدولارات ف سياله
…….. …….
النفسيه (٦)
النفسيه محتاجه م الطيور بطه
محشيه فريك وكترلي بالشطه
نجري ونتحنجل ونلعب النطه
ونعيش لحظتها بليالي زمان
والحلو بعدين من الغزال اطه
…….. ………
النفسيه (٧)
النفسيه محتاجه لجو جميل
ومزيكا وطبله بتلات شخاليل
وغزاله تشجينا غنا ومواويل
وصافينار تتمايل تولع نار
ترجعنا لشباب عدي وليله طويل
………………
النفسيه(٨)
النفسيه محتاجه سفر بلاد بره
نفك عن نفسينا ونكسر الجره
اياك تسافر وتاخد للسفر ضُره
حد يروح المطاعم والاكل وياه
زنقه وخنقه ده انت في بلاد حره
……… محمود قطامش …….
