ديك العشه
ديك العشه منفوش نفشه ………… كانه سلطان زمانه
جاتلوا الفرخه قالتلوا كاك …………قلها إديني عنوانه
بس احكيلي بالتفصيل. ………… وانا اكسرلك كل اسنانه
قالت جاني وسط العشه …….. قالي كاك واداني حنانه
قلتلوا كاك كاك بحنيه ………. اصل امبارح شاف بمنامه
ان فراخ العشش التانيه ……… أخلوا البيت من سكانه
وقالوا نجلس نعمل مجلس ……. والبيض نازل بالوانه
قال ناويين زي البني أدمين …….. يعملوا مجلس وريس باعوانه
لكن همه في حيره كبيره ……. مش لاقيين ريس لإخوانه
واقترحوا اسمك ياكبير …… ياللي مفيش غيرك في مكانه
وهتفوا افراخ العشه كاك …… كاك كاك كاك سلطان زمانه
قام الديك منفوش الريش …… رافع عرفه وقال لإخوانه
العصر ده عصرنا يافراخ …… كاك كاك كاك سلطان زمانه
لكن لحظه جه للعشه عمو ابوكرشه …. هش الديك حته كشه باض في مكانه
