خلطبيطا
ع النت تبعت رسايل …………..بكلام كتير ما يفيد
يغزللي حبه حكاوي ………….. ونار فؤاد بتقيد
وعايزني جنبه تمللي……….. وفي حبي هوه شهيد
تقوللي بسهر ليلاتي ………..تستني ف يوم العيد
والعيد عنده لقانا ………….نمشي سوا ونكيد
شكلك ياواد بياع …………. بياع بتاع مواعيد
وقلبي مش للبيع ………….. خرده وصفيح وحديد
عجوز وعاصي عليكي……….. وعندي خمسه حفيد
العمر عدي عليا ……………. شبعت فيه الا عيب
م البيضا والسمرا …………… وكتير بدون ما اعيد
والنت يحدف بلاوي …………… قريب كمان وبعيد
راجل عمللي ضفاير ………… اسمه الجديد تغريد
والبنت عامله شنب …………. تعاكس البنات وتكيد
خمسيني باخر ايامه ………. تسبيل سهوكه وتنهيد
عجوزه عامله صبيه ………….تعيد شبابها جديد
النت بقه خلطبيطا ………….. دي عايده ولا فريد
ياخويااسمع نصيحتي………ع النت تبقي سعيد
ماترد يوم ع رسايل ………… ع الخاص ولو تهديد
الحب عين بالعين ………….. واللمسه نار بوريد
الحب مش ع النت …………… الحب ايد في الايد
……………. محمود قطامش ………………
