توب يامحمود
قالت اسمع مني يامحمود ……………جه الوقت علي قلبي تفوت
علي عملته هغمض عيني ………………. ولو كررته ده فيه نبوت
هاخد حق بنات حواء………………….ياما في حبك ناس بتموت
تحب غيري فوق يابرنس ………………انا كليوبترا و حتشبسوت
اياك تعمل تاني روميو …………………. غلطه تانيه مش هتفوت
مش راح تعرف ستات تاني …… لاعندي طناش ولا عندي سكوت
مش راح افوت حتي النظره …………. ولا راح اسمع منك صوت
كل جونله تبص عليها ………………… لو في ايدين حته هلفوت
وكل ما عندك تكتبوا ليا ………………..ومش هديلك ولا سحتوت
قلب الرمان ودع ايامه …………………… عيش ويايا وقلبك توت
شكل العرض ده صعب عليا ………..عيشة السمكه بدال الحوت
صوابع الزمار راح تفضل تلعب …………لو بطل او كان هيموت
…………………. محمود قطامش ………………..
