بسم الحب
بسم الحب بقينا اتنين …………… بسم الحب نملي ميادين
بسم الحب نهتف يسقط ………….. بسم الحب نقول تمكين
بسم الحب نقول وطنيه ………….؛. وبسم وطنا نقول الدين
بسم الحب بقتل أخويا ………….. ودمه عليه كتير شاهدين
حتي بلدنا احتارت فينا …………،…مين معاها ومين مع مين
وادي تاريخنا يكرر نفسه …………. رفع مصاحف للتحكيم
ولا نسيتوا قميص عثمان ………. لأجل قميصه مات ملايين
فصول الماضي اهو بنعيشها ……. بسم الحب وبسم الدين
والله وطنا يداري كسوفه ………… ع اللي يحبه وع التانيين
مجدبناه أجدادنا بايدهم ……………نهدم فيه ومش عارفين
بسم الحب ازاي فرقتنا ………….. ونقتل بعض بسم الدين
أيدي ف أيدك تعلي رايتنا ………. حب بحب ودين مع دين
…………… محمود قطامش ……………
