بكذب
انا بكذب لما اقول
………………. لو فيا حاجه هاقول
اتعودت اكتم واداري
………….واتخبي ف كلام معسول
خبيت ظلمك تملي
……………….. هجر وليالي تطول
خبيت غيره وحيره
……………واستني مصير مجهول
واتحمل واكتم بروحي
……………. اصلك طاوعت عزول
ولوحد جاب ف سيرتك
……………..ادافع واقول مشغول
قالو الصبر فيه دواك
…………….. ولو تصبر اكيد تنول
صبرت وكتمت قهري
……………….مستني اشوف قبول
لكن يابو عين جريئه
……………….اخلاصك دايما يزول
ولو الف كوديا وزار
………….. وع راسك دقوا الطبول
وفاك ده المستحيل
…………….. …خٍل وعنقاء وغول **
……… محمود قطامش ………….
المستحيلات ثلاثه
الغول والعنقاء والخل الوفي
