انا النايب

انا النائب

انا هندي والفيل صديقي

………… ولاحدش ف الدنيا شريكي

وهرشح نفسي للمجلس

…………..يامصر انا منك دنا ليكي

ودماغي متكلف خالص

………. ودرست سياستي من ميكي

وع دعايتي هصرفها فلوسي

……..الف جنيه محوشهم دول ليكي

لا انا سلفي ولا حتي حزبنجي

……….. انا طينك انا رملك انا فيكي

ومشاكلك كلها بعرفها

. ………. والحل معايا ده في ايديكي

ومحدش يقولي برنامجك

………. برنامجي عارفه وهارضيكي

وهحبس كل كلاب الذفه

……….. وسويسرا وحياتي هخليكي

ولا اعظم قوه في العالم

…………….. هدنس مره اراضيكي

ولا عندي حزب يرشحني

……………. غير سته بيهم افديكي

امي وابويا وولادي

………… ومراتي معاهم ده يكفيكي

………محمود قطامش ……….