العريش
يالي احلي من هواكي متلاقيش
نخلك العالي وعيشة الحرافيش
انت الهنا ان كان معايا او مفيش
الله ياحضن الغلابه
ارض الصمود وبحب الوطن دراويش
ياعريش
لسه معايا من رملتك حته
مع ذكرياتي ومعطره السكه
نخلك وطينك والقعده ع الدكه
تنساني روحي و ما انساكي
مغرم هواكي وفاضل ع الجنان تكه
ياعريش
الوادي وبركه حليمه والمساعيد
الحشاده وماتش كوره وكرٌم ياعيد
ابو صقل واكله سمك ونأكد المواعيد
ذكريات في كل حته
غزال عرايشي ف الغلط تلقاه شديد
ياعريش
غيرك ماليش
والحب ليكي
ماينتهيش
……….’ محمود قطامش ……..
