الشرعيه
الشرعيه رافعه قضيه……،، ست ف حالها لكن مصريه
كله عايزني ورافع رايتي…. ويهتف ليه تعيش شرعيه
وانا مسكينه بريئه منهم……… انا غلبانه واسمي وليه
كل الشعب بينده باسمي …..ليل ونهار وفي الفجريه
والمشكله بيقولوا سياسه…….. وانا سياستي توم بقليه
لما الطشه تكون محبوكه …….. هيكون طبخي ميه الميه
ولو غفيت وحرقت التوم …… تلقي مرار مفيش ملوخيه
ارجع تاني واحكي حكايتي.. لحسن شكلي هروح ف قضيه
الإنصاف يا أهلي وناسي .. انسوا اسمي وروح لسنيه
وليه سو وانا عارفاها ……. مسكوها مره تبيع طعميه
وانا خلوني إربي عيالي…… زكيه بجامعه وعلي ثانويه
انا شرعيه ماشيه ف حالي .. معاك الحق معاك شرعيه
وشكل الحق مابينكو تايه ،،،،.. حلوا خلافكم ع الطبليه
ويوم ماتحلوا نادوا باسمي … هـ اكون وياكم ندر عليه
……………….. محمود قطامش …………….
