في الشارع اللي ورانا …………ساكنُه غزال حَوُِْدْ ورمانا
وخد قلبي وروحي وياه …………..وسابلي حلم عاشه ويانا
رسمنا وكتبنا حكايتنا ………….نشكر ربنا كملها وحمانا
اصل الشارع اللي ورانا ……….شاهد علي مين اللي هوانا
كان كده ماليان حواديت ………..وشوشته كتير اسرار جوانا
وحكيت له علي كل ما بيه ……..كنت استناه ولا مره استنانا
مره عاهدته علي الشباك …………. ورمينا هموم سنينا ورانا
اصل الشارع اللي ورانا……فيه حلوه وكانت مش سمعانا
هناك بينام القمر ويبات ……….وف سكات يطلع ينور دنيانا
من الشارع اللي ورانا
……………….. محمود قطامش ………………….
