![](https://qatameshyat.com/wp-content/uploads/2023/12/EQpUclnXsAAnwxp.jpg)
في حب مصر
البياده
البياده
اه بياده ولسه عليها دم
…………. ومين حاسس وصابه غم
ومين عارف صاحبها مين
…………….واولاده اللي عاشوا بهم
وراها كان بطل وشجاع
…………عمل واجبه وبالشهاده تم
نكافئ اللي زيه ازاي
………….. غير حضننا بالوطن يتلم
تفتكروا البياده تقول ايه
…………….. ولو ليها لسان او فم
يا اصحاب البلد والدين
………………يا اخوات اوخلان او عم
ادعوا عللي صابه بنار
………………يمرض يكون دواه السم
ويحفظ بلدنا ويجمعنا
…………..واللي عمل شئ عليه يندم
يتوب توبه نصوحه يوم
…………….ويسلم ويبعد عننا ويفهم
ويحفظ ولاد الوطن كله
……………و يكون ده اخر عزا وميتم
………… محمود قطامش …………