البطاقه
شالوا اسمي من بطاقتي
……………..و فيها سموني حبيبك
والوظيفه قالوا عنها
……………المهنه بحار في سفينك
حتي الديانه غيروها
…………..وكتبوني مكانها ع دينك
و قالوا عنوان الاقامه
…………قلت الاقامه ف ضي عينك
لكن اسمي قال ف حيره
…………… مجنون لو يوم هسيبك
حتي ف تاريخ الميلاد
…………….حطوا مكانه يوم حنينك
جينا علي رقم البطاقه
………………..نسيوا اني لو بدونك
هبقي صفرين ع الشمال
……………. وصفر تالت عن يمينك
اما علي الدم وفصيلته
………………….حللوها لقيوا طينك
ونسيوا انه كل مصري
………………..فخره العيشه بقليلك
وشالوا صورتي من عليها
………………وحطوا صوره نهر نيلك
بحبك يابلادي
……… محمود قطامش …………
