ارهابي

دواعشي وم الناس اياهم
يعذب لو كنت معاهم
بسلامك تغلط وياهم
رجعي ومتخلف مش فاهم

م القاعدة بيقتل أصحابه
وكتير م ناس فيه دابوا
ويعلق ميت قلب ف بابو
وميت الف طريقه بتخلابو
والسُهد عشانه بيحلابو

عفريت لو لبسك مايسيبك
ويعذب فيك وَيَا حبيبك
وحبيبك ياخدك علي عيبك
تفتكر انك ماسكه بايدك
لا و لا يمكن ها يفيدك
لكن كده حاجه تكيدك

إياك لو خبط تفتحلو
او حتي تحاول تشرحلو
ويناقشك حتي ما تسمحلو
كذاب حتي ف يوم فرحو
واهرب منه وسايحلو

لكنه حقيقي ومش اوهام
وسراب لا بيخدع ولا بينام
راح تنسي معاه فين وبكام
النبض يذيد
والقلب يلين لو حتي رخام
……..محمود قطامش ……….