احلام مواطن
اقسمت ياريس
جالنا يوم ننام كويس
بس الليله سيبنا نهيص
احنا الشعب الحر ياريس ….. بس مفلس
والله ياريس
احنا شباب الوطن كتير
لو للموت عايزين طوابير
خطط لينا ولا مهاتير
المستقبل لينا واولادنا
شبابنا كويس عارفه ياريس …… بس مئيس
والله ياريس
عايزين شغل ليل ونهار
نبني بلدنا نعلي الدار
ترجع مصر تاني عمار
عايزين شغل لكل مواطن
حلم بسيط افتكره ياريس ……. عيش متغمس
والله ياريس
حريتنا لجلها حتي تهون كرامتنا
قمنا بثوره قلتوا غلطنا
صلحناها وبارادتنا
قام الشعب ثار واختارك
عارف ليه جنبناك ياريس ……. لجل تخلص
بس الليله نام كويس
وسيبنا نهيص
…………….. محمود قطامش …………..
